The Nativity Story [2006] Sinhala Subtitles


The Nativity Story [2006] Sinhala Subtitles
Add to Favorites
The Nativity Story [2006] Sinhala Subtitles (2 min 31 sec)
12-25-2012 at 12:02 PM
Uploaded by HEDZ

Rating: 5 after 2 votes

English Movies
Favorites: 86 - Views: 3790



Tags:







එදා අද වැනි දිනක,
ජෙරුසෙලම් හි බෙත්ලෙහෙම් නුවර,
ගව සැලක ඉපිද,
සාමයේ තතු මේ යැයි,
ලොවට පෙන්වා වදාළ,
නාසරෙත් හි ජේසුස් නම්,
දිව්‍ය පුත්‍රයාණෝ,

මිනිසා විසින් ම,
ලොවට බිහි කළ පාපයට,
මිනිසා විසින්ම,
වන්දි ගෙවිය යුතුය යන,
දේව අභිමතිය ඉ‍ටුකරන්නට
මිනිස් වෙස් ගෙන,
සුරලොවෙන් නරලොවට බැස ආ
අසිරිමත් දිනයයි නත්තල.


තම මරණයට වගකිව යුතු සතුරන්ට පවා ආදරය පෙන්වූ හා කමාව දැක්වූ ජේසුස් ක්‍රිස්තුස් වහන්සේ ශ්‍රේෂ්ඨ මනුෂ්‍යයෙක් විය.ලෝකය පුරා දශ ලක්ෂ ගණකට හා සහෝදරත්වයේ පණිවිඩය දුන් ජේසුස් වහන්සේ ආදරයේ හා කැපවීමේ මූර්තියකි.

ජේසුස් වහන්සේ නිහතමානි චාම් ජීවිතයක් ගත කලේය.ඔහු වයසින් මුහුකුරායත්ම දෙවියන් වහන්සේගේ රාජ්‍ය ගැන දේශනා කිරීමට පටන් ගත්තේය.ඔහුට ඉක්මනින් විශාල අනුගාමිකයන් පිරිසක් ඇතිවිය.

මළවුන්ට පණදීම හා රෝගීන් සුවපත් කිරීම වැනි ප්‍රාතිහාර්ය ඔහු දැක්විය.ඔහුගේ ප්‍රකාශයන් හා උපමා කතා වශයෙන් ඇති ක්‍රිස්තුස් වහන්සේගේ ඉගැන්වීම් බයිබලයේ නව ගිවිසුමේ ‍රැස්කර ඇත.

ඓතිහාසික අනුපිළිවෙල අනුව ජේසුස් ක්‍රිස්තුස් වහන්සේ කළ දේ ඔහුගේ ජීවිතයේ සිදුවීම්ද නව ගිවිසුමේ අඩංගු වේ.

ක්‍රිස්තු පුර්ව 4දී ජෙරුසලමෙට නුදුරු බෙත්ලෙහෙමේ ක්‍රිස්තුස් වහන්සේ උපන්නේය.ඔහුගේ පියා වූ ජෝශප් හා මව වූ මරියා ඉතා දිළිදු වූහ.ළමයෙකු වශයෙන් ක්‍රිස්තුස් වහන්සේ ආගමික සාකච්ඡා පිලිබද මහත් උනන්දුවක් දැක්වීය.ජේසුස් වහන්සේ හී ධර්මයද ඉගෙන ගත්තේය.ඔහුගේ වයස අවුරුදු 30 වන විට ඔහු ඔහුගේ පාරම්පරික වෘත්තිය වූ වඩු කර්මාන්තය අතහැර ඔහුගේ අදහස් දේශනා කිරීම සදහා පිටත් විය.ඔහු දේශනා කල නව ආගම මනුෂ්‍යත්වය සහ විශ්ව සහෝදරත්වය මුල් කොට ගත්තක් වූ අතර,සම්ප්‍රදායික හිබෲ ධර්මයට අනුකූල නොවීය.එවකට සිටි රෝමානු ආණ්ඩුකාරවරයා වූ පිලාත් ගේ අනුමැතිය ඇතිව ක්‍රිස්තුස් වහන්සේ ජෙරුසලෙම් කල්වාරි කන්දේදී කුරුසිය මත තබා ඇණ ගසන ලදි.ජේසුස් ක්‍රිස්තුස් වහන්සේ කුරුසියට තබා ඇණ ගැසීම කිතුණුවන් විසින් මහ සිකුරාදා දින සමරනු ලබති.ජේසුස් වහන්සේ කුරුසියේ තබා ඇණ ගැසූ විට එතුමා විසින් මේ වචන ප්‍රකාශ කරන ලදි.
අහෝ! පියාණනි,ඔවුන් නොදැන කරන වරදට ඔවුන්ට සමාව දුන මැනව.

ක්‍රිස්තුස් වහන්සේ ගේ හදවත එතුමාගේ පරම සතුරන්ට පවා ආදරයෙන් පිරි තිබුන බව මෙයින් පැහැදිලි වේ.කුරුසියේ ඇණ ගැසීමෙන් දින තුනකට පසු ක්‍රිස්තුස් වහන්සේ මරණයනෙ උත්ථාන විය.

ජේසු සමිදුන් හදුන්වා දෙනු ලබන්නේ සාමයේ කුමරා ලෙසිනි. "එතුමාණෝ බොහෝ ජාතීන් විනිශ්චය කර බොහෝ දුර සිටින බලවත් ජාතීන් අතර නඩුහබ විසදන සේක.ඔවුහු තමන්ගේ කඩු වලින් නගුල් තලද හෙල්ල වලින් දෑකැති ද තලා ගත්තෝය.ජාතියක් ජාතියකට විරුද්ධව කඩු ගන්නේ නැත.කිසි කලක ඔවුන් යුද්ධයට පමුණු වන්නේ නැත.ඔවුන්ට කිසිවකුගේ බියක් නැත.එකිනෙකා තම තමාගේ මිදි වැල යට ද අත්තික්කා ගහ යටද යෙහෙන් වාසය කරනු ඇත".ක්‍රිපූ 6-7 අතර සියවස්වල විසූ මීකා නමැති දිවැසිවරයා කිතු සමිදුන්ගේ ලොව පහලවීමත් සමග සැබෑවක් බවට පත්විය.

උන්වහන්සේ ලොව පහල වූ පළමු නත්තල් දින සුරදූතයන් ගායනා කළේද සාම ගීතිකාවයි. "අති උස් තැන්හි දෙවිදුනට මහිමය ද දේව ප්‍රසාදය ලත් ජනයා අතර සාමය ද වේවා".
ලූක් 2-14

අන්තිම රාත්‍රි භෝජනය දින සිය ශ්‍රාවකයන් වදාළේද "ඔබට සාමය වේවා මගේ සාමය ඔබට දෙමි" යනුවෙනි.එසේම මරණයෙන් උත්ථානය ලබා සිය ශ්‍රාවකයන්ට දර්ශනය වූ පළමු අවස්ථාවේම එතුමා පැතුවේද සාමයයි.එතුමාගේ දේශනා අතර සාමය මූලික වේ."සාමය ඇති කරන්නෝ භාග්‍යවන්තයෝය. ඔවුනට දෙවියන් වහන්සේගේ පුත්‍රයෝ යැයි කියනු ලබන්නෝය".(මතෙව් 5-9) "ඔබට ශාන්තිය වේවා". (ජොහාන් 20-29) ශාන්තිය ඔබ වෙත ප්‍රදානය කර යමි.මගේ ශාන්තිය ඔබට දෙමි.මා එය ඔබට දෙන්නේ ලෝකයා දෙන්නාක් මෙන් නොවේ.
(ජොහාන් 14-24)

එහෙත් එසේ වදාළ සමිදුන්ම මෙසේ ද වදාරා තිබේ. "පොළොවෙහි සාමය දෙනු පිණිස මම ආවෙමි යි ඔබ සිතන්නහු ද?,එසේ නොවේ .මම ආවේ භේද ඇති කරනු පිණිස යැයි මම ඔබට කියමි". (ලූක් 12-51) මේ පරස්පරය කුමක්ද?

තමන්ගේ සාමය ලෝකයාගේ සාමය මෙන් නොවේ යැයි එතුමෝ පවසති.එසේනම් එතුමාගේ සාමය මතුපිට සාමයක් නොවේ.තමා රජෙක් දැයි විමසූ පිලාත් ආණ්ඩුකාරයාට එතුමා පවසන්නේ තම රාජ්‍ය මිහිමත රාජ්‍යයක් නොවන බවයි.බලවතුන්ගේ සාමය,ධනය,බලය,යසස කිර්තිය මත ‍රැදී ඇත.එතුමාගේ සාමය මානව ප්‍රේමය, සමානාත්මතාව , සාධාරණත්වය, සහෝදරත්වය හා සමානකම් මත ‍රැදුනකි.එතුමන්ගේ සාමය බලවතුන්ගේ සාමය අතර ඇති භේදය එයයි.භේද ඇති කරන පිණිස ආවෙමි යැයි උන්වහන්සේ පවසන්නේ එබැවිනි.

බලවතුන්ගේ සාමය පාලිතයන් මත බර පටවා තම පාලනය ස්ථාවරව තබා ගැනීමයි.එහෙත් එතුමන්ගේ සාමය කිසි වෙකුට වහල් නොවී ජනතාවට සහෝදරත්වය,සමානාත් තාවය හා සාධාරණය වෙනුවෙන් සේවය කිරීමයි.ව්‍යාජ සාමයේ බොරුව හෙලි කරන සමිදාණෝ සත්‍යයට සාක්ෂි දැරූහ.තමා අත් අඩංගුවට ගන්නට පැමිණි අවස්ථාවේ හේවායකුගේ කණ කපා දැමූ පේදුරුට එතුමා පැවසුවේද "ඔබේ කඩුව කොපුවේ දමාගන්න.අවි ගත්තෝ අවියෙන්ම නසින්නෝය" යනුවෙනි.

සාමය පිලිබදව බෙහෙවින් සංවාදයට බදුන්වන මෙම යුගයේ කිතු සමිදුන්ගේ සාම පණිවුඩයේ සර්වකාලින වටිනාකම හදුනාගෙන ඒ අනුව කටයුතු කිරීම යුගයේ අවශ්‍යතාවයකි.

ක්‍රිස්තු ධර්මය ආරම්භ කළ දෙවියන් වහන්සේගේ පුත්‍රයා හෙවත් ලොවට සාමය උදා කළ සාමයේ කුමාරයාණන්ගේ උත්පත්තියේ මහා මංගල සුපුවතයි මේ...............The Nativity Story චිත්‍රපටය ආගම් භේදයකින් තොරව පවුලේ සැමට එකට රසවිදිය හැක.

ඔබ සැමට සාමය, සතුට හා සෞභාග්‍ය පිරි සුභම සුභ නත්තලක් වේවා!


සිංහල උපසිරැසි මෙතනින් ලබා ගන්න
700MB DVD RIP Torrent file එක මෙතනින් ගන්න




පරිවර්තනය හා උපසිරැසි ගැන්වුයේ නවීන් රන්දික විසිනි

සැ.යු:මෙහි සම්පූර්ණ අයිතිය Zoom.lk සතු අතර,අනවසරයෙන් උපුටා ගැනීම තහනම්.තවද,කතෘ ගේ අයිතියකින් තොරව කිසිදු වෙබ් අඩවියක මේ උපසිරැසි පල නොකරන්න

Please use the downloading page for comments..
Submit Comment