හොල්මන් කතාවක් අහමුද? (13+ බයගුල්ලන්ට නොවේ


+ Reply to Thread
Page 1 of 5 1 2 3 ... LastLast
Results 1 to 10 of 44

Thread: හොල්මන් කතාවක් අහමුද? (13+ බයගුල්ලන්ට නොවේ

  1. #1
    Member elakiriya will become famous soon enough
    Join Date
    Aug 2012
    Posts
    87
    Likes Received
    32 times

    Exclamation හොල්මන් කතාවක් අහමුද? (13+ බයගුල්ලන්ට නොවේ

    අපේ කට්ටිය ලග තියෙන හොල්මන් කතා හැමෝම එක්ක බෙදාගන්න එකතු වෙන්න..
    ඔන්න මම පලවෙනි එක දැම්මbump ekak comment ekak Rep+ ekak denna kamathi nam

    Check This - Free SMS ඕනද? ඕනද? ඕනද?

    මේක මගේ හොදම මිතුරෙක් මුහුණ දුන්න . භයානක අමනුස්ස අද්දැකීමක් .

    ජනිත් .... ජනිත් කියන්නේ යකෙක්ටවත් බය නැති තරුණයෙක් කිව්වොත් හරි ඒ වගේම හරි දැඩි හිතක් ඔහුට තිබුනා .වෙලාවක් අවේලාවක් තැනක් නොතැනක් නැතිව ඕනෑම තැනකට හිතේ චකිතයකින් තොරව යන එන ජනිත් වගේ කෙනෙක් හොල්මනකට බය උනා කියන ඒක හිතාගන්න බැරි දෙයක්
    .... එහෙත් ඒක සිදු උනා...


    අපේ ගමේ සැලුන් ඒක කියන්නේ හවසට කොල්ලන්ගෙන් පිරිලා ඉතිරිලා යන තැනක්.. ඔක්කොම එන්නේ කොන්ඩේ කපගන්නමත් නෙමෙයි .. සැලුන් ඒක පිටි පස්සට වෙලා පොඩි අඩියක් එහෙම ගහන්න සෙට් වෙන්නත් එක්ක ...


    කාටත් හොරෙන් ඔතනට සති අන්තයේ සෙට් වෙන කොල්ලෝ දෙතුන්දෙනා හෝ හත් අට දෙනා ... අයෙමත් ඔතනින් පිට වෙලා ගෙවල් දොරවල් වලට යන්නේ මහා රැ එකොළහ දොළහ වෙලා..එතෙනකල් බොනවමත්ම එහෙම නෙවේ.. ඒක ඒක මතෘකා අතර දිව යන කතාවල අවසානයක් දකින තුරු ගෙවල් ගැන මතකයක් නැති වීම නිසයි...

    ඔන්න ඒක දවසක් උදේ අමුතු කතාවක් ගම පුරා පැතිරුනා ජනිත් අවතාරයකට බයවෙලා කියලා.. තවත් සමහර උන් කිව්වා ජනිත් කොලුවට යකෙක් ගහලා කියල.. ජනිත් කියන්නේ යකෙක් ගහන්න ආවත් යාකාට උනත් ගහල යන තරමේ එකෙක් කියලා මම දන්නා නිසා මුලින් ඔය කතාව පිලිගන්නත් ටිකක් මැලි උනා.. කෝකටත් ඇත්ත නැත්ත බලාගන්න අපිත් ගියා ජනිත්ගේ ගෙදර..

    ගේ පිරෙන්න සෙනග.. ජනිත් කාවවත් අදුරන්නේ නැහැ වගේ ඉන්නේ. ඒක පාරම දගලන්න ගන්නවා. කවුරු හරි ඌව මරන්න එනවා වගේ .. ජනිත්ගේ මූන බලපුවම මට පෙනුනේ මොකක් හරි දෙකට නොසැහෙන්න බය වේලා ඉන්න විත්තියක්..
    ඒ මදිවට වටේටම යන්ත්‍ර මන්ත්‍ර දන්නා අය පිරිලා.. අතේ නුල් ගැට ගානවා .. වතුර වලට මතුරලා මුනට ඉහිනවා . ඒක විකාරයයි .. එත් ජනිත් නෙමේ ඒ එකකටවත් සැරෙන්ඩර් වෙන්නේ . ..
    මේක බලාගෙන ඉන්න බැරි තැන මම උන්ගේ අම්මා ලගට ගිහින් කථා කළා.. උන්දැත් මහා මේර ඔලුවේ තියාගෙන ඉන්නවා වගේ හරි අසරණ කමකින් හිටියේ.

    නැන්දේ අපි ජනිතව දොස්තර කෙනෙක් ලගට එක්ක යමුද?

    මේවට දොස්තර බෙහෙත් හරියන්නේ නැහැ පුතේ.. කොලුවට . අමනුස්ස දෝෂයක්.

    මොකද නැන්දේ උනේ….

    කොලුවා පාන්දර 1 ට විතර බිසිකල් ඒකත් තල්ලු කරගෙන අව සිහියෙන් වගේ කියව කියව ඇවිත් තියෙනවා.. එත් එක්කම බයිසිකලෙත් එක්කලම වැටිලා . ඔලුව ගලක හැපිල සිහි මුර්ජා වෙලා .. එහා ගෙදර බේකරියේ වැඩ කරන කොලුවා එලියට ආව වෙලාවේ තමයි මේක දැකල තියෙන්නේ. ඌ කියනවා හය්යෙන් දොඩව දොඩව . දගල දගල ඇවිත් වැටුනලු..
    එයිට ටික වෙලාවකට පස්සේ සිහිය ආවත්. කාටදෝ බයෙන් දගලනවා. කොලුවා රැ මැදියමේ තනිපංගලමේ ඇවිත් මොකකට හරි බයවෙලා පුතේ..

    ගොඩ කාලයක් යනකල් ජනිත් ට නොයෙක් විදියේ ප්‍රතිකාර කළා. යන්ත්‍ර මන්ත්‍ර අතින් . එහෙම කරලා කාලයක් යනකොට සාමාන්‍ය තත්වයට පත් උනා .. ඒ ත් අපි කව්රුත් එයාගෙන් අර සිද්ධිය ගැන අහන්න ගියේ නැහැ. මොකද අයෙමත් ඔය ගැන මතක් කරන එකෙන්. ජනිත්ගේ අසනීප තත්වය නරක් වෙයිදෝ කියන බයට .

    එත් දවසක් මම ජනිත් එක්ක රැයක කථා කර කර ඉන්න කොට මට හිතුනා නිකමට වගේ එදා සිද්දිය අහල බලන්න.

    ජනියා මොකෝ බං උබට එදා උනේ උබ හොල්මනක් දැක්කද?

    ඒක ඇහුව විතරයි ජනිත් .. අස් ලොකු කරලා මගේ දිහා බලාගෙන හිටියා ටික වෙලාවකට.. සමහර විට එදා උන බියකරු සිදුවීම නැවතත් ජනිත්ට මැවී පෙනෙන්න ඇති...

    මෙතැන් සිට ජනිත්ගේ වචනයෙන්..

    එදා අපි පිටත් වෙනකොට ටිකක් රැ වුනා .. කඩින් කඩ වැස්සක් කුත් තිබුනනේ.. කොහොම හරි අපේ පැත්තට යන්න හිටියේ වෙනද වගේම මම විතරයි.. මට ඉතින් ඔය පාරේ රැයක දවලේක වෙනසක් නැහැනේ . නිතරම යන එන පාර.....

    ( ජනිත් ලගේ ගෙදරට යන පාර සැලුන් එක ලග ඉදන් කියනවනම්.. සැලුන් එක තියෙන්නේ තුන්මං හන්දියක... එතන ඉදලා කෙලින්ම උඩහට යන පාරේ යන්න ඕනේ ජනිත් ගෙදර යන්න.. වෙල් යායක් මැදින් වැටුන පාරක ටික දුරක් ගිහින්.. පුංචි කදු පාරකට වැටෙනවා.. ඒ පාරේ එක පැත්තක තියෙන්නේ ලොකු පොල් වත්තක්... ඔය පාරේ අවසානයේ තියෙන්නේ සොහොන් පිට්ටනිය....ඒ හරියේ ගෙවල් එහෙම නැහැ.. පාලුවට ගිය වත්තක් තියෙන්නේ..සොහොන් පිට්ටනිය ඉස්සරහින් හැරිලා යන ගුරු පාරේ යනකොට පාර දෙපැත්තේම විශාල ගස් වැවුණු ..ප්‍රභූ පවුලකට අයත් ඉඩමක් තියෙන්නේ .. ඔය පාර. මහා දවල්ටත් හරි අදුරුයි .. මුසල පාටයි...
    ඒ පාරේ කෙලවරින් පොඩි කදු ගැට්ටක් උඩට නගිනකොට තමයි ජනිත්ලගේ ගෙදර තියෙන්නේ... )

    පොද වැස්සේම මම ගෙදර යන්න එලියට බැස්ස... ඉතුරු බයිට් ටිකත් උරේක දාලා බයිසිකලේ හැඩල් එකේ එල්ල ගත්තා යනකොට කකා යන්න කියල... හිකිස්‌.. එක තමයි මට වැරදුනේ....
    වෙල පහු කරලා . කන්ද හරියේ මම සිකලෙන් බැහැල තල්ලු කරගෙන කන්ද නගිනකොට මට නිකන් අමුත්තක් වගේ තේරුනා .. නිකන් මගේ පිටි පස්සෙන් තව හතර පස් දෙනෙක් ඇවිදගෙන එනවා වගේ..හැරිලා බැලුව තුන් හතර වතාවක්ම එත් මොකෙක්වත් නැහැ.. අඩු තරමේ බල්ලෙක් වත් පාරේ නැහැ...
    එහෙම බයිසිකලෙත් තල්ලු කරගෙන ටික දුරක් කන්ද නගිනකොට .. පොල් වත්තේ කෙලවරේ ඉදලා බල්ලෙක් අමුතු තාලෙකට එක දිගටම උඩු බුරන්න ගත්තා .. මගේ හිතටත් හරි අමුත්තක් තේරුනා ඒ වෙලාවේ...

    එතකොට තමයි මතක් උනේ බයිසිකල් එකේ ඉස්සරහා එල්ලගෙන ඉන්න උරේ තියෙන්නෙත් පුළුටු නේද කියලා.. ඒ උරෙත් ගලවලා පාරට විසි කරලා...ඉක්මන් කරලා ගෙදර යන්න ගිතාගෙන මම සිකලේට නැගලා කන්ද පදින්න ගත්තා..

    කන්ද උඩටම යනකන් අයේ කිසිම සද්දයක් තිබුනේ නැහැ.. ඇතින් උඩු බුරන බල්ලාගේ සද්දේ ඇරෙන්න ..

    මේ අතර පොද ගහමින් තිබුන වැස්ස ටිකක් වැඩි වෙමින් තිබුනා . මම සොහොන් බිමත් පහු කරගෙන ඉස්සරහට යනකොට... එක පාරටම සයිකලේ දෙපැත්තට පැද්දෙන්න ගත්තා ..හරියට නිකන් පිටිපස්සේ රෝදේ හුලන් බැහැලා වගේ.. මම සයිකලේ පදින ගමන් පිටිපස්සේ රෝදේ දිහා බල බල අවේ හුලන් බැහැලවත්ද කියල.. එත් එහෙම වෙනසකුත් නැහැ...
    බයිසිකලේ ඉස්සරහට යන්නේ නැති තරම් බරයි..
    මම පිටි පස්ස බලලා අයෙත් ඉස්සරහ බලනකොට...දැක්ක දේ මතක් වෙනකොටත් මාව තාම ගැහෙනවා.. තඩි කළු මහත මිහිහෙක් මගේ බයිසිකලේ පොල්ල උඩ ඉදගෙන...ඒ මිහිනගේ මුළු ඇගම තෙමිලා.. කළු පාට කෝට් එකක් ඇදගෙන උන්නේ .. ඉස්සරහ බලාගෙන හිටපු නිසා මුණ පෙනෙන්නේ නැහැ..

    මම බයට පුළුවන් තරම් හය්යෙන් කැගැහුවා .. එත් බයටම උගුර කට වේලිලා.. සද්දේ පිටවන්නේ නැහැ.. මම මොකක්ද කරන්නේ මොකක්ද කරන්න ඕනේ කියලා මට හරියකට තේරුමක් නැතුව ගියා. බයටම..
    මම පුළුවන් තරම් හය්යෙන් බයිසිකලේ පැද්දා..පදින්න බැරි තරම් බයිසිකලේ බරයි..එත් බයටම මම හය්යෙන් පැදගෙන ආවා.. පාළු පාර දිගේ...ඉස්සරහ ඉන්න කෙනා එහෙම්මම ඉන්නවා හෙලවෙන්නේවත් නැතුව ...බයිසිකලේ පොල්ල උඩ ඉදගෙන..

    කොහොම හරි මම අවසිහියෙන් වගේ පැදගෙන ආවා . අපේ ගෙවල් ගාව කන්ද මට පැදගන්න බැරි උනා..වැස්සේ උනත් මුළු ඇගම මගේ දාඩියෙන් පෙගිලා හිටියේ.. එතකොටයි මම දැක්කේ . ඒ මිනිහගේ කකුල් දෙක නැහැ. දනිස්සෙන් පහලට කකුල් නැහැ. ඊට පස්සේ මම මෙතුවක් කාලෙකට ජිවිතේ දැක්ක භයංකාරම දසුන දැක්ක...

    ඉස්සරහා බලාගෙන හිටපු කෙනා මගේ දිහා බැලුවා... මුළු ශරීරයම ඉස්සරහට හැරිලා තියෙනකොට.. බෙල්ල විතරක් සම්පුර්ණයෙන්ම හරවලා මගේ දිහා බැලුව...හරියට එම්බාම් කරලා කුණු උන මිනියක් වගේ .. මුළු මුනේම කැලි ..කැලි. ගැලවිලා කුණු වෙලා .. ඇස්දෙක එලියට පැනල ..රතුම රතු පාටයි...


    මම පුළුවන් තරම් හයියෙන් කෑගහගෙන.. අපේ ගෙවල් පැත්තට දිව්වා.. මම ඒ වෙලාවේ හිටියේ පියවි සිහියෙන් නෙමේ වෙන්න ඇති... එතනින් එහාට කිහිම දෙයක් මට මතක නැහැ...


    කොහොම උනත් හොල්මන් අවතාර කියල දෙයක් නැහැ කියලා හිතාගෙන හිටපු මගේ ඒ අදහස වෙනස් උනේ.. ජනිත් කිව්වා ඒ සිද්දියෙන් පස්සේ තමා..
    කව්රු කොහොම කිව්වත් . පියවි ඇසට නොපෙනෙන ලෝකයක් තියෙනවා..

    ප.ලි. :- මම දැන් රැ දහය එකොළහ පහු උනාට පස්සේ ඔය කියන කනත්ත ගාවින් නම් තනියම යන්නේ නැහැ... කියන්න බැහැනේ . කකුල් නැති අය්යා මගේ බ්යිසිකලෙටත් ගොඩවෙලා ට්‍රාන්ස්පෝර්ට් ඉල්ලුවොත් ..මොන දෙය්යන්ට කියන්නද .......හිකිස්!!!!!
    Last edited by elakiriya; 08-02-2012 at 11:08 AM. Reason: correct

  2. #2
    Senior Member gamage has a spectacular aura about gamage has a spectacular aura about gamage's Avatar
    Join Date
    Feb 2011
    Posts
    820
    Likes Received
    98 times

    කියවන්න ආස කියවන්න බය තමයි හොල්මන් කතා කියන්නේ

  3. #3
    Member elakiriya will become famous soon enough
    Join Date
    Aug 2012
    Posts
    87
    Likes Received
    32 times

    භූතයෙක් සමග එකම කාමරයක ගතකල දිවිය

    (මෙම කතාව රොබට් යනුවෙන් හදුන්වන පුද්ගලයාට වූ සත්‍ය සිදුවීමකි )


    මේ සිද්දිය සිදුවුනේ මීට වසර 4-5කට ප්‍රථම රුසියාවේදී.........

    ඕන් ඉතින් මමත් හා හා පුරා කියල රුසියානු විශ්වවිද්යාලකට ගියා වැඩිදුර අද්‍යාපනයට......නැවත නෙ යුනිවසිටියෙ හොස්ටල් එකක.....ඒකෙ රුසියන් බඩු විමානෙ...... හම පාට උන් පේන්න බෑ... රෙද්ද උස්සගත්ත ගමන්මයි..... මුල් දවස් ටිකේ බයටම රූම් එකට වෙලා හැන්ගිල හිටියෙ........ කොහොමින් කොහොම හරි දෙයියො බලල මට එහෙදි ලංකාවෙ කොල්ලො සෙට් එකක් සෙට් වුනා.....

    එළ ඩයල් ටික..... මට වඩා අවුරුදු දෙකක් සීනියර්.... හිටියෙ මගේ යුනිවසිටියෙම අනෙක් හොස්ටල් එකේ...... කොල්ලො ටික එළ වුනාට උන් එක්ක හිටිය මහ අමුතු එකෙක්...... කොන්ඩෙ රැවුල වවාගත්ත මූනක් කටක් හෝදපු නැති කොට කෙට්ටු මහ අමුතු එකෙක්. කොහොම හරි මගෙත් තිබුන පන්ඩිතකමට හොයන්නෙ බලන්නෙ නැතිව මාත් උන්ගෙ හොස්ටල් එකට මාරුවක් දාගත්ත.......... ලට්ට ලොට්ට ටිකත් අරන් අලුත් හොස්ටල් එකට ගියාම ලන්කාවෙ උන්ට කාමර තුනක් තියෙනව දැක්ක.... හැබැයි කට්ටිය ඔක්කෝම සෙට් වෙලා ඉන්නෙ කාමර දෙකක.... අනික් කාමරේ අර අමුතු බුවා විතරයි....... ඌ ඇඳවල් 3ක් තියන් එළට ඉන්නව

    මාත් ඉතින් මෑන් වගේ අරූටත් තට්ටුවක් දාල එහෙම උගේ කාමරේ සෙට්වුනා..... කට්ටියත් එක්ක හැන්දෑ වරුවෙ අවලමේ ගිහින් රෑ කෑමත් කාල කට්ටියම නිදාගන්න සෙට්වුනා......


    ගුඩ් නයිට් එව්රිවන්............

    කාමරේට ගිහින් නිදාගන්න සෙට්වුනාම අර මලපෙරේතය මගේ ඇඳ උඩ ඉන්නව.......... ආපු මුල් දවස නිසා ශේප් එකේ ඌව උගේ ඇඳට යවල ලයිට් නිමන්න හදනකොට මූ කියපි ලයිට් නිමන්න එපා පාඩම් කරන්න තියෙනව කියල...... මුගෙ අම්මට හු... කියල හිතාගෙන මම රෙදි පොරවන් බුදි........ සීතලට හින්ද නින්ද යනවත් හොරයි..... මට අතරමගදි ඇහැරුන.......... අර යකා උගේ ඇඳේ කකුල් දෙකත් උඩ දාගෙන (ඇණ තියන්) මගේ දිහා බලන් ඉන්නව...... මමත් ඔහේ නිදාගත්ත.....

    කොහොම හරි ඒ සෙනසුරාද රැය මහ අමුතු විදියට ගෙවිල ගියා..... අරූ එක විනාඩියක් ඇස් පියවෙවුවෙ නෑ..... මගේ ලඟ ඉන්න එකා මහ අමුතු එකෙක් බව මට දැනුනත් මම වැඩිය ගනන්ගත්තෙ නෑ....... ඊලඟ දවසේ උදේ පාන්දරම මම අර අනික් උන්ගෙන් අර ගෝතය ගැන ඇහුව..... උන් කියුවෙ ඌ හරි හොඳ එකෙක් වැඩිය නිදාගන් නෑ කියල විතරයි....... උන් ටික ඌව මාර විදියට කවර් කලා....... මටත් ඉතින් ඕන මගුලක් නිසා මාත් වැඩිය ඇඟට ගත්තෙ නෑ......

    ඉරිද දවසත් සුපුරුදු සුන්දර අවලම් විදියට ගෙවිල ගිහින් හැන්දෑවෙ කොල්ලොත් එක්ක ඔරිජිනල් රශියන් වොඩ්ක පාරක් දාල රෑ දෙගොඩ හරියෙ කාමරේට රිංගුව නිදාගන්න......... ලයිට් එක වැහුව විතරයි අර යකා කෑගැහුව පාඩම් කරන්න තියෙනව ලයිට් එක දාපන් කියල. වොඩ්ක එකෙන් කන පැලෙන්න වැදිල හිටිය වෙලේ ඊයෙ සීන් එකත් මතක් වෙලා මම මූට අම්ම මුත්ත මතක් කරල බැනල ලයිට් එක වහල දැම්ම.......
    එදා රෑ -25c ට හීතලයි....... ඩෝප් මරගාතෙ එළට නින්ද ගියා...... එකපාරට මර ලතෝනියක් ඇහිල උඩ ගිහින් ඇහැරුනා......සද්දෙ තරමට මුලු හොස්ටල් එකේම උන් කාමරේට දුවන් ආව........ ලන්කාවෙ උන් ටික අරූ හීනෙන් බයවෙලා කියල ශේප් කරල කට්ටියව යැවුව......... එදා කතන්දරේ ඉවරයි.........

    කොහොම වුනත් ඊටපස්සෙ ලයිට් වහපු හැම රැයකම මූ මහ රෑට යටිගිරියෙන් කෑගහන්න පටන් ගත්ත........ උගේ ඒ සද්දෙට චූ යන් නැති ටික විතරයි........මමත් දැන් දිගට හරහට ලයිට් දාගෙන බුදි දවස් 3-4කට පස්සෙ මළටම ඕන මගුලක් වෙන්න කියල ලයිට් වහල නිදාගත්ත....... ටිකවෙලාවකින් මට දැනුන මගේ ලඟ කවුරුහරි ඉන්නව කියල...... හෙමීට ඇස් හීන් කරල බැලුව....... අම්ම ගහයි පුහුල් ගෙඩියෙන්!!!!........ කට්ට කලුවරේ අර භූතය මගේ ලඟ හිටගෙන ඉන්නව කලුවරට චායාවක් විතරයි පෙනුනෙ.......

    මේන් බොලේ මූ ටික ටික මට කිට්ටුවෙනව..... මට බය දෙගොඩ තලා ගිහින්..... මූ මොකාට එන්න හදනවද කියල තේරෙන් නෑ...... .### කාරයෙක් ද?? නපුන්සකයෙක්ද? හොමෙක්ද?? සයිකො බුවෙක් ද??? මගේ ඔලුව යකාගෙ කම්මල වගේ...... ඕන එකක් කියල කකුලයි අතයි රෙඩිකරගත්ත මැරිල යන්නම කෙලින්න..... මගේ ලඟටමවෙලා මන් දිහා බලන් හිටපු මූ මගේ මූන ලඟට නැමන්න ගත්ත.... මල මගුලයි ...... උඹලම කල්පණාකරල බලපල්ලකො මහ කලුවරේ ආත බූත නැති එකෙක් මූන ලඟට වියතක් විතර දුරට ලන් වෙනකොට තියෙන සනීපෙ......මූ දැන් හොඳටම ලන්වෙලා මාව ඉවකරනව..... හොඳට බලනව...... මගෙත් සීමාව ඉක්මයන්න ටික වෙලාවයි තිබුනෙ.....

    එකපාරටම මූ මුගෙ ඇඳ ලඟට ගිහින් කොට්ටෙ හාරල මොනවද ගත්ත........ පස්සෙ සිගරට් ලයිටරේ පත්තුකරන් අතටගත්තු දේ බලන්න ගත්ත........ මූ පින්තූර වගයක් බලනබව මට පෙනුන..... විනාඩි ගනනකින් මූ මහ හයියෙන් හූ තියුව....... සුපුරුදු විදියට කට්ටිය ඇහැරුනා..... මොනව කරන්නද සාමාන්‍ය දෙයක් නෙ..... ඔය අතරෙ බුවා චූකරන්න ටොයිලට් ගියා..... මට මාර චාන්ස් එක මූ මොනවද බලන්නෙ කියල හොයල බලන්න... මම ඩාං ගාල දොර ලොක් කරගත්ත.........

    කෝ බලන්න මූ රෑ දෙගොඩහරියෙ රහකරකර බලන පින්තූරටික......... මාත් ඉතින් වැඩර් වගේ කොට්ටෙ ඇදල පින්තූර ටික ගත්ත.......

    බුදු අම්මෝ.......

    බුදු අම්මෝත් හොඳ එක......

    පින්තූරවල තිබුනෙ සුදුපාට වෙඩින් ගවුමක් අන්දවපු මුලු මූනම දම්/කලු පාටට විරූප වුන මළමිනියකගෙ සමීප රූප...... ඒ පින්තූරටික බලන්න තියා හිතනකොටත් බයයි..... ඒක අස්සෙ අරූ යකා වෙලා... දොර කඩන්න හදනව.

    ඇරපිය යකෝ දොර..........

    මමත් පින්තූර ටික මේසෙ අස්සෙ දාල කාමරේ දොර ඇරිය..... අරූට ටිකක් සීන් එක සැක හිතිල ගානයි ඌ ශේප් එකේ කොට්ටෙට අතදදා ෆොටෝස් ටික හොයනව. මමත් සද්ද නැතිව හිටිය.... මූ ටිකක් නාහෙට අහන් නෑ ඒත් මම මුල් දවසෙ බීල දාපු ටෝක් එකට මූ ටිකක් මට බය වෙලා හිටියෙ....

    ටිකක් වෙලා ගිහින් මූ මගෙන් පින්තූරටික ඉල්ලුව..... මම මූට තදින් කියුව මට සීන් එක කියපන් නැත්නම් ඉස්සරහට වැඩ වරදියි කියල........

    මෙන්න මූ අතදරුව වගේ මගේ ලඟ අඬ අඬ සීන් එක කියන්න ගත්ත........


    උගේ සිද්දිය කෙටියෙන්......

    ඌ පවුලේ එකම දරුවලු..... අම්මයි තාත්තයි ගොඩක් ප්‍රසිද්ද ව්‍යාපාරිකයින්...... පදින්චි වෙලා ඉන්නෙ පුන්චිබොරැල්ලෙ...... තාත්තගෙ කන්ටෑක්ස් වලින් ශ්‍රි ලන්කන් එකේ ලොකු පෝස්ට් එකක් සෙට් කරන් මූ හෙන සැපට ජීවත්වෙලා තියෙනව....... ඔය අතර මූ ඒ ඔෆිස් එකේම අහින්සක කෙල්ලෙක් ෆන් එකට සෙට් කරන් බලාපොරොත්තු දීල අමාරුවෙ දාල තියෙනව..... අන්තිමට කෙල්ල බඩින්..... කොහොමින් කොහොම හරි මූ වියදම් කරල කෙල්ලගෙ අකමැත්තෙන්ම ලමයටත් වැඩේ දීල........... මේ සිද්දිය කෙල්ලගෙ අයියට මාට්ටු වෙලා ඌ මුගේ ගෙදර ඇවිත් යකා නටල..... අන්තිමට අයිය තගෙන්ම කෙල්ලව බන්දල දීල බලෙන්ම උගේ ගෙදර නවත්තල.......ගෙදර හිටියට මොකද මුලු පවුලම ඒ කෙල්ලට වෙනස්කම් කරල......
    අන්තිමට මේ කෙල්ල ජීවිතේ නැතිකරගන්න කොල්ලගේ වාහනේට ගෙනාපු එන්ජින් ඔයිල් බීල........

    කොලඹ මහ ලෝහලේ නොවිඳිනා දුක් විඳල සතියක් පණ ඇදල ඒ කෙල්ල මෙලොව අතහැරල ගිහින්...... ඌ මට කියනව..... ඉස්පිරිතාලෙ හිටිය ටිකට උගේ කෙල්ල විඳපු දුක ජීවිතේ තියෙනකන් අමතක වෙන් නෑ කියල..... බලන් ඉන්දැද්දි ඒ ලස්සන මූන විරූපී වුන හැටි..... පෙනීම දුර්වල වෙලා ඇස් අන්ද වුන හැටි...... කලු පාටට වමනෙ කරපු හැටි...... කොටින්ම කියනවනම් මූ නිසා මූට ආදරය කරපු කෙල්ල දින 7 කින් උපරිමයට විඳවල උගේ අත උඩම මැරෙන හැටි මූ අත්විඳල.....

    අවසානයේ මරණයේ කටයුතු අවසන් වුනාට පස්සෙ හරියටම හත් දවසෙ බණ දවසෙ ඉඳල මේ විරූපී වුන කෙල්ල මූ ලඟට එන්න අරන්.....හැම වෙලේම මූ තනි වුනාම මුගේ කර උඩින් ඒකි කකුල් දෙක දාගෙන ඉන්නවලු.... ගොඩක් වෙලාවට අම්මත් මේ දේවල් දැකල තියෙනව........ මූව බේරගන්න තොවිල් පවිල් ආදී වූ කිසි දෙයක් කරත් හරි ගිහින් නෑ......

    අන්තිමට මූව මේ බූත කේස් එක නිසා රස්සාවෙනුත් එලියට දාල...... දෙමවුපියන්ට කරකියාගන්න දෙයක් නැතිව ඉන්නකොට සාත්තරකාරයෙක් කියල තියෙනව අමනුශ්‍ය දෝශ රටින් පිටවුනාම බලපාන් නෑ කියල..... එතින් කට්ටිය පුලුවන් ඉක්මනින් මූව රුසියාවට එවල..... ඒත් මොන ගැලවීමක්ද...... ඒකි මූ පස්සෙන්මලු..... මූ රෑට බයවෙලා යටිගිරියෙන් කෑගහන්නෙ බැරි වෙලාවත් මූට ඇහැ පියවුනොත් ඒ සැනින් උගේ ඇඟ බරවෙල ඇහැරෙනවලු. ඇස් අරිනකොට විරූපී වුන කෙල්ලගෙ කකුල් දෙක උගේ කරේ තියෙනව පේනවලු......

    මූ කියපු විදියට මූ කෙල්ල මැරුණට පස්සෙ එකදිගට අවුරුදු 2-3ක් නිදාගෙන නැහැ.
    විස්තරේ අහල මටත් නිකන් හොල්මන් හොඳ එක...... මට කියල මූව දොස්තරකෙනෙක් ලඟට ගෙනියන්නත් තේරුමක් නෑ.... අන්තිමට මම ඌට ටිකක් බොන්න දුන්න... දෙයියන්ගෙ පිහිටෙන් මූට ඒදවස්වල පැයක් දෙකක් එකදිගට නින්දගිහින් තිබුන..........මම ටිකෙන් ටික මුගේ ගෑනිගෙ සීන් එකට මූ බයවෙන එක අඩුකලා..... මූ කලකට පස්සෙ කියුව මූට ගෑනි ලඟ ඉන්නව පේනව, ගොඩක් වෙලාවට කකුල් කරේ දාගෙන ඉන්නව නමුත් දැන් වැඩි බයක් දැනෙන් නෑ කියල........

    මොනව කලත් කලකම් පලදෙනව........ මටනම් ඒ ගෑනි මුගෙ පස්සෙන් ආවෙ නැත්නම් තමයි පුදුම.

    ප.ලි :- මෙම කථාවේ මම යනුවෙන් හදුන්වන්නේ රොබට් යන පුද්ගලයවයි .කථාව ලියා ඇත්තේ ඔහුගේ මානයෙනි
    Last edited by elakiriya; 08-02-2012 at 11:16 AM. Reason: correct

  4. #4
    Senior Member පොඩ්ඩා is a glorious beacon of light පොඩ්ඩා is a glorious beacon of light පොඩ්ඩා is a glorious beacon of light පොඩ්ඩා is a glorious beacon of light පොඩ්ඩා is a glorious beacon of light පොඩ්ඩා is a glorious beacon of light පොඩ්ඩා's Avatar
    Join Date
    Jun 2011
    Location
    ගෙදර
    Posts
    1,318
    Likes Received
    178 times
    තව කතා දාන්න රෙප්++

  5. #5
    Senior Member Time Traveler has disabled reputation Time Traveler's Avatar
    Join Date
    Jul 2012
    Location
    කාලය
    Posts
    31,235
    Likes Received
    2390 times
    වෙනස් ත්‍රෙඩ් එකක්.
    මමත් ආසයි භූත කතා වලට
    රෙප්+




    ඔන්න මගෙනුත් කතාවක්.

    තමන් අකැමැති දේ ලැබීම මෙන් ම කැමැති දේ නොලැබීම ද දුකට හේතුවකි. කායික මානසික දුක් පීඩාවලට මිනිස්සු පමණක් නොව තිරිසන් සත්තු ද අකැමැතිය. ලෙඩ රෝග දුක් කරදර එළඹෙනවාට පමණක් නොව එසේ දුකට පත්වූවෙකු උදේ පාන්දර දකිනවාට ද අකැමැතිය. එසේ ම ප්‍රසන්න වූ ජීවී අජීවී වස්තු නොලැබීම දුකකි. එවැනි දේ ධනයෙන් හෝ බලයෙන් ලබාගත නොහැකි කල ඒ සඳහා වෙනත් උපාය මාර්ග ද යොදති. මේ එවැන්නක් නිසා සිදුවූ විපතක් අනාවරණය වූ කතාවකි.

    ඔහු විජය. බැංකු සේවයෙන් විශ්‍රාම ගත් නිලධාරියෙකි.

    ඔහුගේ බිරිය ධර්මා ප්‍රසන්න කඩවසම් තරුණ කාන්තාවකි. දැනට අවුරුදු කීපයක පටන්ම ඇයට ඇඟපත රුදාව හා රාත්‍රියට නින්ද නොයෑම නිසා වෛද්‍ය ප්‍රතිකාර ගත් නමුත් සුවයක් නොවීය. ඊට අමතරව රාත්‍රි කාලයේ නිවස තුළ බඩුමුට්ටු පෙරළන, එහා මෙහා කරන ශබ්ද ඇසෙන්නට විය.

    මේ දුක්ඛදායක, බලාපොරොත්තු නොවූ, හිරිහැරයක් වූ, බිය ජනක වූ, තත්ත්වයෙන් මිදීම සඳහාත් බිරිය මුදාගැනීම සඳහාත් විජය ධර්මා සමඟ ගුප්ත ගවේෂණ මධ්‍යස්ථානය සොයාගෙන පැමිණියේය.

    මධ්‍යස්ථානයට පැමිණි සැටියේම ධර්මා සිහිසුන්ව ඇද වැටුණාය. ඉන්පසු ගවේෂකවරයා ඉදිරියේ වැඳ වැටී “අනේ මගේ දුව බේර දෙන්නැ”යි කන්නලව් කළාය.

    ”කව්ද මේ ශරීරයට රිංගාගෙන සිටින්නේ?”

    ”මම නෝනාහාමි”

    ”කව්ද මේ නෝනාහාමි කියන්නේ?”

    ”මේ දුවගෙ අම්මා”

    ”තමුන් දැන් කව්ද?”

    ”දේවතාවියක්”

    ”දේවතාවියක් මේ දුඟද හමන පිළිකුල් කටයුතු ශරීරවලට රිංගනවද?”

    ”නැහැ. මම ජීවත්ව සිටියදී වැරදි වැඩ කළේ නැහැ. මගේ මව් පිය දෙදෙනාට වගේම නැන්ද මාමා දෙන්නටත් ගෞරව කළා. සාත්තු සප්පායම් කළා.

    වෙනසක් නැතුව සැලකුවා. අනුන්ට ඊර්ෂ්‍යා කළේ නෑ. අනුන්ගේ අඩුපාඩු දොස් කතා කළේ නෑ. අනුන්ගේ හිත රිදෙන්න පරුෂ වචන කතා කළේ නෑ. ඕපාදූප හිස් වචන කතා කළේ නෑ. බොරු කීවේ නෑ. පන්සිල් පද ආරක්ෂා කළා. මම දුගතිගාමීව ඉපදුණේ නෑ. දුවට තියෙන ආදර බැඳීම නිසා ඉහළට යන්න බැරිවුණා. මා හිතාගෙන ඉන්නේ මම දේවතාවියක් කියා. පත්තිනි දේවියගෙන් අවසර වරම් අරගෙනයි ආවේ දුව ආරක්ෂා කරගන්න. මම මගේ දරුවට උදව් කරනවා.”

    ”මොනවාද ඔබ දුවට කළ උදව්?”

    ”මගේ දුවට මම උදව් කරනවා. මෙයාට හොඳට මුදල් තියෙනවා. තට්ටු තුනක ගෙයක් හැදුවා. ඒ හැම දේකටම උදව් කරනවා. පත්තිනි දේවියගේ ආශිර්වාදයෙන්.”

    ”පත්තිනි දේවියගෙයි ඔබෙයි සම්බන්ධය මොකක්ද?”

    ”මම සුමානෙකට දවසක් නවගමුවේ පත්තිනි දේවාලයේ තේවාවට ගිහින් උදව් වෙනවා. ඒ නිසා එතුමිය මට ආශිර්වාද කරනවා. එතුමිය තමයි මේ ස්ථානයට එන්නත් යොමු කළේ.”

    ”ඉතින් එහෙම නම් මේ දුවට ලෙඩ දුක් කරදර වෙන්නේ කොහොමද?”

    ”මගේ දුව බිල්ලට ගන්න බලගතු යක්ෂයෙක් බන්ධනය කරලා. රෑ දොළහටත් දවල් දොළහටත් ඒ යක්ෂයා මගේ දුව මරාගෙන යන්න එනවා. මා නිසා ඒ යක්ෂයාට දුව අරගෙන යන්න බැහැ. මම දුව ළඟ ඉඳගෙන හැමවිටම දුව බේරා ගත්තා. මේ යකා ඒ තරහට දුවගෙ ලොකු පුතාව බිලි ගත්තා. පුතා පැදපු මෝටර් සයිකලය බස් එකකට තල්ලු කරලා”

    ”කව්ද? මේ බන්ධනය කළේ?”

    ”අල්ලපු ගෙදර සුනිල්. මීට අවුරුදු පහළොවකට කලින් මගේ දුව යාලු කරගන්න ඌ උත්සාහ කළා. ඌ නිතර නිතර කරදර කරන කොට මගේ බෑණයි දුවයි පොලිසියට ගිහින් පැමිණිලි කළා. පොලිසියෙන් ඌට අවවාද කළා. ඒ ලැජ්ජාවට තමයි ඌ මේ යක්ෂ බන්ධනය කැරෙව්වේ.”

    මේ විස්තරයෙන් පසු ධර්මාගේ ශරීරයෙන් නෝනහාමි ගේ භූතාත්මය ඉවත් කොට, යක්ෂයා ගේ ආත්මය ගෙන්වීය. ඔහු බොහෝම සැරපරුෂ ලෙස හැසිරෙන්නට වූ අතර වේවැල භාවිත කොට පාලනය කළේය.

    ”තමුන් කව්ද?”

    ”මම ෆයිසාල්”

    ”ෆයිසාල් කියන්නෙ කව්ද?”

    ”මම මුස්ලිම් යක්ෂයෙක්”

    ”කොහොමද මේ ශරීරයට රිංගුවේ?”

    ”රිංගුවා නොවෙයි බන්ධනය කළා. අවුරුදු පහළොවකට ඉස්සර මේකිව මරා ගෙන යන්න මට බාර දුන්නා.”

    ”ඇයි ඉතින් බැරිවුණේ?”

    ”අර නාකි ගෑනි මේකිව ආරක්ෂා කරනවා. මම එන්නේ දවල් දොළහටයි රෑ ;ඟළහටයි. ඒ හැම වෙලාවකම අර නාකි ගෑනි කොහේ හිටියත් මේකි ළඟට ඇවිත් ආරක්ෂා කරනවා. කොයි වෙලාවෙ හරි මම මේකිව මරාගෙන යනවා”

    ”ඉතින් අර පුතාව මැරුවෙ මොකද?”

    ”අවුරුදු එකහමාරකට ඉස්සර මුන් පුත්තලමෙ දේවාලෙකට ගිහින් මාව පිච්චුවා. මම ආයෙත් ආවා. අර පුච්චපු තරහට උගේ බයිසිකලය හප්පලා මැරුවා.”

    මේ ගැන විජයගෙන් විමසූ විට ඒ සියල්ල සත්‍ය බව අනාවරණය කළේය. “විශාල ඉඩමක ඉඩම් කට්ටි කීපයක් මැද කට්ටිය මිලට ගෙන ගෙයක් හදාගෙන පදිංචිව සිටිනවා. වටේම ඉඩම් කට්ටිවල ඉන්නේ එකම පවුලේ නෑදෑයෝ. අවුරුදු පහළොවකට විතර ඉස්සර අල්ලපු ගෙදර මිනිහා මගේ බිරියට අයුතු යෝජනාවක් කර තිබුණා. ඒ කාලෙ බිරිය හරිම ලස්සනයි. එයා විතරයි ගෙදර හිටියේ. අර මිනිහගෙන් කරදර නිසා අපි පොලිසි ගියා. ඒකට ඒ මිනිහා නයි වෛර වුණා. දවසක් රෑ අපේ මුළු ගේම හෙල්ලුම් කෑවා. එදා ඉඳල තමයි මගේ නෝනා අසනීප වෙන්න ගත්තේ. තොවිල් පවිල්වලට දැනට ලක්ෂ විස්සකට වඩා වියදම් කළා. අපි පුත්තලමේ දේවාලයකට ගිහින් පිළිවෙතක් කළා. ඊට පස්සෙ තමයි පුතා බයිසිකලය හැපිලා මැරුණේ”යි අතීත විස්තරය පැවසුවේය.

    දින දහහතරක් බෝධි පූජා පවත්වා නැවත පැමිණෙන ලෙස දැනුම් දුන්නේය.

    එදින ද යක්ෂයා දරුණුවට හැසිරෙන්නට වූ බැවින් ආධ්‍යාත්මික ශක්තියෙන් යක්ෂයා පිච්චුවේය. එහෙත් ඔහු ධර්මා අතහැර යන්නට අකැමැති විය. නැවතත් බෝධි පූජා පවත්වමින් දින දෙකක් ගෙන්වා යක්ෂයාට තරවටු කොට පිච්චුවේය.

    අන්තිම දිනයේ යක්ෂයා ඇය අතහැර යෑමට කැමැති විය.

    ”තමුන් යනවද? අදත් පුච්චන්නද?”

    ”එපා .. එපා. මම යන්නම්”

    ”කොහේට ද යන්නේ?”

    ”කියන තැනකට යන්නම්”

    ”එහෙනම් කලින් හිටපු තැනටම යන්න පුළුවන්”

    නැවතත් නෝනාහාමිගේ භූතාත්මය ගෙන්නුවේය.

    ”දැන් කොහොමද?”

    ”දැන් සතුටුයි. මහත්තයට පින්සිද්ධ වෙන්න දැන් මගේ දුවට අනතුරක් නෑ”

    ”දැන් තමුන් කොහේද යන්නේ?”

    ”මම නවගමුවට යනවා”

    නිවසේ සාංඝික දානයක් දී මළගිය ඥාතීන්ටත්, විශේෂයෙන් මෑණියන්ටත් පැන් වඩා පින් දෙන ලෙස නියම කොට එදින රාත්‍රිය පුරා භික්ෂූන් වහන්සේ ලවා පිරිත් දේශනයක් පවත්වන්නට ද නියම කළේය.

    මේ පිළිවෙත්වලින් නිවසේ අය සුවපත් වෙද්දී ෆයිසාල් නමැති මුස්ලිම් යක්ෂයා නිකම් සිටියේ නැත. තමන් නිදහසේ සැරිසරමින් සිටියදී මන්ත්‍ර බලයෙන් තමා බන්ධනය කළ බැවින් කීපවතාවක්ම පිච්චෙමින් දඬුවම් විඳින්නට සිදුවූයේ ඇදුරෙකු හා සුනිල් නිසා බව සිතා ඒ දෙදෙනාගෙන් පළිගන්නට අධිෂ්ඨාන කළේය.

    හ මඟ ගමන් කරමින් සිටි විනකළ ඇදුරා වාහනයකට යට වී මළේය. සුනිල් අංශබාධ රෝගය වැලඳී ඔත්පල ව එක්තැන්ව දුක් විඳී.

    අනුන්ගේ වුවමනාවන් පිරිමහන්නට සුළු මුදලකට යක්ෂ බන්ධන කරන, හදි හූනියම් කරන ඇදුරෝ මෙයින් පාඩමක් ගනිත්වා. හදි හූනියම් කරන ඇදුරෝ අනිවාර්යයෙන් ම දුගතිගාමී වෙති. ඔවුන්ට කිසිදිනක නිවනක් නැත.


    උපුටාගැනීම facebook වෙබ්අඩවිය ඇසුරෙනි.

  6. #6
    Senior Member gayan159 has a reputation beyond repute gayan159 has a reputation beyond repute gayan159 has a reputation beyond repute gayan159 has a reputation beyond repute gayan159 has a reputation beyond repute gayan159 has a reputation beyond repute gayan159 has a reputation beyond repute gayan159 has a reputation beyond repute gayan159 has a reputation beyond repute gayan159 has a reputation beyond repute gayan159 has a reputation beyond repute gayan159's Avatar
    Join Date
    Oct 2011
    Location
    Thota mokatada ?
    Posts
    8,748
    Likes Received
    2947 times
    KO THAWA DANNA KO

  7. #7
    Senior Member gayan159 has a reputation beyond repute gayan159 has a reputation beyond repute gayan159 has a reputation beyond repute gayan159 has a reputation beyond repute gayan159 has a reputation beyond repute gayan159 has a reputation beyond repute gayan159 has a reputation beyond repute gayan159 has a reputation beyond repute gayan159 has a reputation beyond repute gayan159 has a reputation beyond repute gayan159 has a reputation beyond repute gayan159's Avatar
    Join Date
    Oct 2011
    Location
    Thota mokatada ?
    Posts
    8,748
    Likes Received
    2947 times
    THAWA KATHA ONNEEEEEEEEEEEEEEEEEEEEEEEEEEEEEEEEEEEEEEEEEEEEEEE EEEEEEEEEEEEEEEEEEEEEEEEEEEEEEEEEEEE

  8. #8
    Member nadun25 is an unknown quantity at this point nadun25's Avatar
    Join Date
    May 2012
    Posts
    55
    Likes Received
    2 times
    එල එල!!!!!!!!!!!

  9. #9
    Senior Member මරු හිරා has a reputation beyond repute මරු හිරා has a reputation beyond repute මරු හිරා has a reputation beyond repute මරු හිරා has a reputation beyond repute මරු හිරා has a reputation beyond repute මරු හිරා has a reputation beyond repute මරු හිරා has a reputation beyond repute මරු හිරා has a reputation beyond repute මරු හිරා has a reputation beyond repute මරු හිරා has a reputation beyond repute මරු හිරා has a reputation beyond repute මරු හිරා's Avatar
    Join Date
    Mar 2011
    Location
    තණමල්විල මල් වත්ත
    Posts
    58,383
    Likes Received
    7945 times
    නියම ත්‍රෙඩ් එකක්.. දිගටම කතා දාන්න

  10. #10
    Member elakiriya will become famous soon enough
    Join Date
    Aug 2012
    Posts
    87
    Likes Received
    32 times
    කැම්පස් හොස්ටල් වල සාමාන්‍යයෙන් 3-4 ක් විතර එක රූම් එකක ඉන්නවා (ඕක කොයි හොස්ටල් එකෙත් එකයි මයෙ හිතේ ). ඉතින් මේ කියන හොස්ටල් රූම් එකෙත් හිටියා 3න් දෙනෙක්. කිව්වම කෙල්ලො තුන් දෙනෙක් තමා හිටියේ. තුන් දෙනාම කොලඹින් දුර බැහැර පදිංචි කට්ටිය. දැනට අපි මේ තුන් දෙනාට ගයනි, සඳුනි, අරුණි කියමු. සති අග දිග නිවාඩුවක් ලැබුනොත් කවුරුත් ආස ගෙදර දුවලා එන්න කොච්චර දුර උනත්. කොහොමත් කොහෙ උනත් හොස්ටල් ලයිෆ් එක ඒ හැටි රසවත් එකකුත් නෙමෙයිනෙ. ඒ නිසා නිවාඩුවක් ලැබුනොත් ටුක් ගාල ගෙදර දුවන එක ඒකෙ හැටි.

    මේ කියන දවස් වෙනකොට කැලැන්ඩර් නිවාඩුවකුත් එක්ක ටිකක් සති අග දිග නිවාඩුවක් වැටිලා තිබ්බා. ගයනිට ගමේ යන්න හිතුනත් මුදල් ප්‍රශ්න නිසා අනිත් දෙන්න නිවාඩුව තිබ්බත් ගෙදර නොයා ඉන්න හිතුවා. යාලුවො දෙන්නත් නොයන නිසා ගයනි සිකුරාදා රෑම ගමේ යන්න පිටත් වුනා. රෑ 12ට පිටකොටුවෙන් පිටත් වෙන දුර ගමන් සේවා බස් රථයක් අල්ලගන්න බලාපොරොත්තුවෙන් ගයනි පිටත් වුනේ. අනිත් දෙන්න ගයනිව පිටකොටුවට යන්න බස් එකකට ඇරලවලා ආයෙත් හොස්ටල් රූම් එකට ගිහින් පාඩම් කටයුතු වල යෙදුනා.


    එදා දවසෙ කාලය ගෙවිලා දෙන්නා නිදාගත්තටත් පස්සෙ පාන්දර එකට විතර හොස්ටල් රූම් එකෙ දොරට ගහන සද්දයක් ආවා. විෂේශයෙන්ම කාන්තා නේවාසිකාගාරයකට කාටවත් අනවසරයෙන් ඇතුල් වෙන්න ලේසි නැති නිසාත් තවත් අහල පහළ රූම් වල ඕන තරම් කට්ටිය ඉන්න නිසාත් සද්ද්දෙට ඇහරිච්ච අරුණි

    “කවුද ඔය …”

    කියලා අහගෙනම දොර ලඟට ගියා.

    “මේ ගයනි… බස් එක මිස් වුනා බං.. මං ආයෙත් ආවා……”

    මෙහෙම කියාගෙන ගයනි රූම් එක ඇතුලට ආවා. ඒත් මූන ටිකක් සුදුමැලි වෙලා තිබ්බා.

    “ඕකනෙ උඹට කීවෙ හෙට පලයං කියලා.. හොඳටම මහන්සි පාටයි ඒ නිසා අපි තේ ටිකක් බොමු……..”

    කියලා උනුවතුර බෝතලේට දාල තිබ්බ තේ ටිකක් කෝප්ප වලට වත් කරපු අනික් යාලුවා.. දෙන්නට දීලා කතාවට වැටුනා.

    තේ ටික බොන ගමන් තවත් ටික වෙලාවක් තුන් දෙනා කතාවට වැටිලා හිටියා. රූම් එකේ පුටු කියලා ජාතියක් නැති නිසා කට්ටිය ඇඳවල් මත වාඩිවෙලා තමයි කතාව දාගෙන හිටියෙ. “දැන් ඉතින් හෙට උදේ ආයෙ යන්නත් ඕන නිසා නිදියගනින් බං ” කියලා තේ බීපු කෝප්ප තුන අරගෙන සෝදල තමන්ගෙ ඇඳට ආපු සඳුනි, නිදියන රෙද්ද පොරවගන්න ගමන් ගයනිට ලයිට් එක නිවාදාන්න කිව්වා.

    මේත් එක්කම ගයනිගෙ ස්පරූපය වෙනස් වෙන්න ගත්තා. තවත් සුදුමැලි වෙච්ච ගයනි යාලුවො දෙන්න දිහා අමුතු විදියට බෙල්ල කරකවලා දෙතුන් විටක් බලලා එක පාරට ඇඳේ ඉඳන්ම ලයිට් එකේ ස්විච් එකට තමන්ගෙ දිව දික් කරලා නිවා දැම්මා… !


    මේක දැක්ක දෙන්නා හූ තියාගෙන කලන්ත වෙලා වැටුනා. සද්දෙට දුවගෙන ආපු අහල පහල රූම් වල අයයි ආරක්ෂක නිලධාරියොයි දෙන්නව රූම් එකෙන් එලියට අරන් අවශ්‍ය ප්‍රතිකාර දුන්නා. ඒත් තුන් වෙනියෙක් රූම් එකේ හිටියෙ නෑ. මේ කටයුතු වෙද්දි කට්ටියට ආරංචිය ලැබුනා, රෑ ගෙදර ගිය ගයනි පාන්දර 1ට විතර ලොරියකට හැප්පිලා අන්තරා වුනු බව. අනතුරින් කම්පනයට පත් ගයනිගෙ දිව කටින් එලියට ඇවිල්ලා තිබුනලු !!!!!

+ Reply to Thread
Page 1 of 5 1 2 3 ... LastLast

Bookmarks

Posting Permissions

  • You may not post new threads
  • You may not post replies
  • You may not post attachments
  • You may not edit your posts